"Unexpected "

              UNEXPECTED

සමහර අනපේක්ෂිත මොහොතවල් අපි ජීවිතේ දිගින් දිගට එක්කන් යන කෙනෙක්ව මුණගස්සන එක කොයිතරම් පුදුමසහගත දෙයක් ද කියලා දැනිලා තියෙනවා ද ?

හරියට ම ඒ සිද්ධිය නොවුනා නම් ඒ කෙනා තවත් එක් සාමාන්‍ය කෙනෙක් වෙන්න තිබුනා කියන එක තේරුම් ගිහාම ඒ අනපේක්ෂිත මොහොත එක්ක අපි ප්‍රේමයෙන් බැඳෙනවා .

සමහර බැඳීම් හරිම ගැඹුරු යි.අවස්ථා රහිතයි.ඒ නිසාම ඔයාව ඔයාටම ප්‍රශ්න කරවන සුලුයි.ඔයාවත් ඔයාගෙ දැනන් හිටියෙ නැති කොන්දේසි විරහිත ගැඹුරු ප්‍රේමයක් ඔයා දෙමින් ඉන්නවා .ඔයා බලන් ඉන්නවා ඔයා අත් අරිනකම්, විඩාවට පත් වෙනකම්, ඒත් නෑ.ඔයා කිසිවක් බලාපොරොත්තු නොවී ප්‍රේම කරමින් ඉන්නවා .හොඳ ම දේ මොකක්ද මේ හැමදේම ඉබේ සිද්ධ වෙන එක.

ඒ අනපේක්ෂිත මොහොත ඇතිවුනේ ඒ කෙනාගේ මූලිකත්වයෙන් නම් ඒක තව දුරටත් ඔයාට පුදුම වෙමින් සතුටු වෙන්න අවස්ථාවක් වෙනවා.

එහෙම බැඳීම් මහ ගොඩක් ජීවිත වලට ඕන්නෑ.ගොඩක් දුරට එහෙම ඇතිවෙන්නෙත් නෑ.ඒත් එහෙම එක බැ‍ඳීමක් හරි මනුස්සයෙක් ට තියෙන එක හොඳ දෙයක් කියලා මට හිතෙනවා .

ඒ ආදරය හරිම ගැඹුරු යි.පාර්ට්නර්ස් ලව්  ගැන කියන්න අදහසක් නැති මනුස්සයෙක් හැටියට වුනත් මට කිසිම චකිතයක් නැතුවම කියන්න පුලුවන් ඔව් මන් හරිම ආදරෙයි කියලා .

ලෝකයේ පේන්න තියෙන සම්බන්ධතා වල තියෙන කතා බහ, හමුවීම් ,අවස්ථා කිසි දෙයක් නැති අතීතයේ සේයා වල ඉන්න නමුත් කවමදාවත් බැඳීමක් ඇතිවෙයි කියලා නොහිතපු කෙනෙක් ඒත් අද  දිගින් දිගට අපි පසෙකින් ඇවිදන් එන කෙනෙක් වෙන එක කොයි වගේ දෙයක් ද.ඒක හරිම ලස්සන යි.ගැඹුරුයි.ආදරණීයයි.ඔලුවේ කිසිම බරක් පතළක් නැති,බැඳීම් කියන්නෙ බරක් කියන එක නොමැති හරිම නිදහස් බැඳීමක් ලස්සන නැද්ද

ඔබව දන්නවා කියලා හිතන් ඉන්න හුඟක් මිනිස්සු කවමදාවත් දැකලා නැති ඔබේ මෘදු ස්වභාවය ක් එළියට ගේන්න එහෙම කෙනෙක්ට පුලුවන් .

ඉතින් හේතු කියන දේවල් ම නැති වෙන්න පුලුවන් .සමහර විට ඒ හේතු නිසාම රැඳිලා තියෙන ,අපි ඇඳන් යන අරෙහෙ හම්බුනා, මෙහෙ හම්බුනා, මෙදා ඉඳන් අපි දන්නෙ කියන දේ  නිසා ඇරුනම කිසිම වර්තාමනය ක් ජීවී ගතියක් නැති ගොඩක් කරන්න දෙයක් නැතිකම ට එහෙම නැත්නම් හිත් රිදවෙයි කියලා අපි තියාගෙන ඉන්න ගොඩක් මනුස්සය සම්බන්ධතා ඇතුළෙ අර වගේ බැඳීමක් කොයිතරම් නිදහසක් වේවිද.

මන් හිතන්නේ අපි ඇදන් යන බොරුවට වඩා යතාර්ථයට ලඟ බැඳීම තමයි ,නිදහස තමයි අර අනපේක්ෂිත මොහොතක ඇති වෙන විස්තර කරන්න බැරි සම්බන්ධතාවක් එක්ක ඇතිවන බැඳිම්.

නැති වෙන්න දේවල්, පවත්වාගන්න දේවල් නැති නිසාම දිගු කාලයක් තිස්සේ ඇවිදන් එන බැඳීම්.

අනිත්‍ය ලෝකේ හැමදේම ඉවර වෙලා යාවී.ඒත් ලෞකික මිනිහෙක් එහෙම බැඳීමකට පුදුමාකාර විදිහට ආදරය කරනවා වගේම ඒ බැඳීම ඒ මනුස්සයාව රකිනවා .හැබැයි ඔය එකක්වත් දැනුනවත්ව කරන දේවල් නෙමේ ඉබේ සිද්ධ වෙන දේවල් .

මටත් එහෙම බැඳීමක් තියෙනවා .මන් ගොඩක් විස්තර, වචන වලින් ඒ ආදරය කියන්න උත්සාහ කරලා තියෙනවා ඒත් මන් හැමදාමත් අසාර්ථක වෙලා තියෙනවා .

අතැඟිලි ප්‍රමාණයේ පිරිසක් නොහොත් මගේ අභ්‍යන්තර වක්‍රයට මන් කොහොම ත් ආදරය කරනවා මේ සටහන ඒ අය ගැන නෙම ,,

ඒ වක්‍රයේත් ඉන්න මගේ පසෙකින් ඇවිදන් එන, මන් කොන්දේසි විරහිත ආදරය කරන, ඒ වගේම මටත් කොන්දේසි විරහිතව නොදැනුවත්ව හෝ ආදරය කරන, ඈත ඉඳන්ම අතීතයේ ඉඳලා ඒත් හිතපු නැති වෙලාවක ඇවිත් ජීවිතේට සම්බන්ධ වුනු මගේ ඒ ප්‍රියතමයාට.ඒ කෙනා මේක දකිනවා.

ඒත් එයා සමහර විට දැනගන්නෙ නැති වේවි මේ කියන්නේ තමන් ගැන බව.එහෙම වෙන්න පුලුවන් නෙ.ඇයි ?

මන් මෙහෙම එයා ගැන කියන්නේ, ඒහ් මට දැනෙන මගේ ජීවිතේ ට සම්බන්ධව නෙ.ඒත් මාව සමහර විට එයාට දැනෙන්නේ, එයා දන්න තව එක මනුස්සයෙක් හැටියට වෙන්න පුලුවන් .
මන් ඒ ගැන දන්නෑ.මන් ඒක ප්‍රශ්න කරන්නෑ.මට ඒක ප්‍රශ්නෙකුත් නෑ.මොකද කොන්දේසි විරහිතකම කියන්නෙ ඒ වගේ දෙයක් .කිසිවක් බලාපොරොත්තු වෙන්නෑ.
ආන් ඒක මන් මන් ගැනම පුදුම වෙන තැනක්.

ඉතින් මට මේක ට ටැග් කරන්න එහෙම පුලුවන් නෙ.නෑහ්.මන් මොකටද එහෙම කරන්නේ .සමහර විට ඒක අපහසුතාවක් වෙන්න පුලුවන් .එහෙම ඕන්නෑ.

ඉතින් මට ඇයි මේක ලියවුනේ.
මන් දැන් මේ දවස් වල කියවන පොතේ තිබුනා මෙහෙම දෙයක්

" මම සභ්‍යත්වයේ ඉබිකට්ට බිඳ ස්වභාවධර්මය ට අනන්‍ය වෙමින් සිටිමි.ප්‍රකෘතියට ආසන්න වෙමින් සිටිමි.ප්‍රේමය මනුෂ්‍ය ස්වරූපය යි.එහි ස්වභාවය යි. "

බත්තලංගුණ්ඩුව - මංජුල වෙඩිවර්ධන

ඉතින් මම ප්‍රකෘතියට ඉඩ දුන්නා.

මන් මට ඉබේ ලියැවෙන සටහන් ,මට මතක ඕනිම මිනිහෙක් ගැන හැඟීම් ලියැවෙන සටහන් වලට ඕනි තරම් ඉඩ දීලා තියෙනවා .ඒ මිනිස්සු ගොඩක් සතුටු වෙනවා මට ගොඩක් ස්තූති කරනවා මන් දකිනවා.එතකොට මන් හුඟක් වෙලාවට කියන දෙයක් තමයි No need thankyou You Deserve it කියලා .එහෙම කියන එකේ ඇත්තක් නැත්තෙමත් නෑ  ඒත් ඒ වගේම ස්තූතියක් මට කොහොමත් සුදුසු නෑ කියන එක මන් දන්නවා මොකද ඒවා ලියවෙන්නෙ
ඒ මිනිස්සු  ගැන ආදරේකට නෙමේ එහෙම ලියවෙද්දි මටම තියෙන ආතල් එකට බව මම දන්න හන්දා

හැබැයි එහෙම නොවෙන ලියැවුනු සටහනක් විදිහට මේක මට අවංකවම කියන්න පුලුවන් .

ඉතින් ඒක එහෙම යි.

මේ සටහනේ ඉන්නෙ තමන් බව නොදැන මේකෙ අයිතිකාරයා මේ අකුරු කියවාවී

ආදරෙයි

අයිතිකාරයා , වගේ වචන අපිට දැනෙන හැඟීම් මිසක් ප්‍රාණවාචී, අප්‍රාණවාචී ,ගැහැණු, පිරිමි, උස, මහත භේද නෑ කියලා තේරෙන එක ලස්සන වැඩක්.

ප්‍රකෘතියට ආසන්න වෙන එක හරි සාමකාමී දෙයක් .මට නිදහසක් දැනෙනවා මීට කලින් නොදැනුණු.


#යසා